کیچ: چہ کولواہ بلور ءَ پاکستانی پوج ءِ دست ءَ زوربیگواھیں مکتیار ء نوربکش ءِ کھول ءَ وتی شنگ کرتگیں درشانے ءَ گوشتگ کہ 17 جولائی 2016 ءَ پاکستانی پوج ءَ مکتیار بلوچ زوربیگواہ کرتگ آئی بیگواھی ءَ ھپت سال سرجم بوتگ کہ انگت ءَ بیگواہ اِنت ۔
کھول ءَ گوشتگ کہ کولواہ بلور ءَ رسانکدر ءِ بندی ءِ سوب ءَ مکتیاربلوچ ءِ کیس ءِ بابت ءَ رسانکدر ءَ توار چست کنگ نہ بیتگ۔
آئی ءَ گوں درستیں رسانکدری کارکن، انسانی ھکانی ادارہ ءُ بلوچ یکجھتی کمیٹی ءَ ھوار درستیں بھرگاں سیادی داروکیں مردماں لوٹ کرتگ کہ آ پہ مکتیار بلوچ ءِ آجوئی ءَ توار چست بکن اَنت دانکہ آئی کھول ءَ انساپ دیگ بہ بیت۔
