جیئے سندھ اسٹوڈنٹ پیڈریشن(جساپ) ءِ نیمگ ءَ سند ءِ زمین ءُ مڈیانی دستیگ کنگ ءُ وانگی ادارہ ءُ نودربرانی جیڑھانی بگیری ءَ چہ بٹ شاہ ءِ شاہ لتیپ ءَ داں سند یونیورسٹی جامشورو ءَ روانکے کشگ بیتگ۔
آیانی گوشگ اِنت کہ چیریں ادارہ ءُ پولیس کارمنداں زھرشانی ءِ دارگ ءِ جھد کرتگ بلے ما وتی زھرشانی ھلاس نہ کرتگ ۔دومی روچ ءَ کہ زھرشانی روانک مٹیاری شھر ءَ سر بوتگ پولیس کارمنداں بازیں کچے ءَ زھرشانی کنوکانی سر ءَ بیڑ برتگ ءُ نودربراں ھوار جساپ ءِ بنجاھی سروک ءُ جنین دزگیر کرتگ ءُ ٹنڈو الھیار ءَ برتگ اَنت ءُ پد ءَ آ یل داتگ اَنت۔
آیاں گوشتگ کہ ھمے میان ءَ نودربراں سندھودیش ءِ آجوئی ءِ اوگام جتگ ءُ گوشتگ کہ سند ءِ زمین ءُ مڈی چہ پنجاپی پوج ءِ کمک ءَ دستیگ کنگ بوگ ءَ اَنت۔ پاکستان ءِ نام ءَ پنجاپ ءَ سندی، بلوچ ءُ پشتون راج ءِ وتن ءُ مڈی دستیگ کرتگ اَنت۔ نوں ابید چہ آجوئی ءَ دگہ ھچ راہ نیست۔
