سراوان(شستون) ءَ پنچ شمبے ءِ بیگاہ ءَ لبزانکی ءُ ربیدگی گل آتار ءِ نیمگ ءَ ماں باگیں شستون ءَ پنچ کتابانی دیمدرائی دیوانے برجم دارگ بیتگ۔
اے مراگش بلوچی زبان ءِ نبشتہ کار،جُھدکار ءُ نمیرانیں واجہ مھراب اومرا ءِ نام ءَ برجم دارگ بیتگ ءُ مراگش ءَ مھراب اومرا ءِ کتاب کمبر ءُ دودا، استاد برکت برجان ءِ کتاب گوانک، مرواردیں پنت ءُ سوج ءُ کسہ گوست ءِ آدینک اَنت، سئید ساھل ءِ کتاب گوهریں دانک، ماجد سپاھیان ءُ مریم درازھی ءِ کتاب روچگر ءُ واھد وداریگ ءِ دنز ءُ تامور ءِ دیمدرائی بیتگ۔
مراگش ءَ کتابانی نبشتہ کاراں ھوار چہ جتائیں دمگاں شائر، نبشتہ کار ءُ لبزانکاراں بازیں کچے ءَ بھر زُرتگ ءُ وتی ھیال ءُ لیکہ درشان کُرتگ اَنت۔
