بلوچ یکجھتی کمیٹی ءِ سروک سمی دین ءَ وتی شنگ کرتگیں درشانے ءَ گوشتگ کہ چہ پنجگور ءَ پاکستانی پوج ءِ دست ءَ نازیہ شپی ءُ آئی مات ءِ درکانودی آوار جنی ءُ آزار دیگ درانسانی گامگجے۔ بازیں آزارانی سوب ءَ نازیہ لھتیں اداراں پد ٹپانی درد نہ سگ اِتگ اَنت ءُ بیران بوتگ۔ اے گامگیج انسانیت ءُ انسانی ھکانی درسیں جھانی راھبندانی تچک ءَ بگیری اِنت۔
آئی گوشتگ کہ بلوچستان ءَ زوراکی ریاست ءِ پالیسیانی بھرے جوڑ کنگ بوتگ۔ اد ءَ ناشرکاراناں شھریانی، گیشتر جنینانی سر ءَ زوراکی کنگ ءِ تچک ءَ موکل دیگ بوتگ۔ آیاں جست کنوک نیست۔
سمی دین ءَ لوٹ کرتگ کہ اے دلپدردیں ویل ءِ زوت پٹ ءُ پول کنگ بہ بیت۔ نازیہ شپی ءُ آئی مات ءِ سر ءَ زوراکی کنوکیں درسیں کارمندانی بگیری ءَ کاروائی کنگ بہ بیت ءُ بلوچ جنینانی بگیری ءَ برجائیں ریاستی زوراکی ھلاس کنگ بہ بنت۔
آئی گوشتگ کہ میان استمانی تک، انسانی ھکانی گل، گیشتر پہ جنینانی ھکاں کارکنوکیں زرمبشتانی سر ءَ پرز اِنت کہ آ بلوچ جنینانی سر ءَ بیوکیں زوراکیانی بگیری ءَ وتی بے تواری ءَ بہ پروش اَنت ءُ نازیہ شپی ءُ ماہ جبین ءِ وڑیں جنینانی رکینگ ءَ توار چست بہ کن انت۔
