شال: بلوچ یکجھتی کمیٹی ءِ نیمگ ءَ بلوچ چکچینی ءُ زوریں بیگواھی ءِ بگیری ءَ زھرشانی روانک چہ اسلام آباد ءَ واتر شال ءَ سر بوتگ۔
مرچی سھب ءَ چہ شال ءُ کرِ ءُ کشانی ھند ءُ دمگاں ھزارانی کچ ءَ مردم پہ روانک ءِ وش آتک ءَ آتکگ اَنت۔
وش آتک ءَ آتگکیں مردمانی تہ ءَ زوربیگواھیں مردمانی کھول، سیاسی ءُ چاگردی کارکناں ھوار ھوار ھمساھگیں راج ءُ جتائیں بھرگاں سیادی داروکیں مردم آتکگ اَنت۔
بی وائی سی ءِ روانک دوشی ژوب ءَ پی ٹی ایم ءِ کارکناں داشتگ، مرچی سھب ءَ ژوب، کچلاک ءُ جبل نور ءَ ھم مردم بازیں کچے ءَ پہ روانک ءِ وش آتک ءَ آتکگ اَنت۔
