پنجگور ءَ پاکستانی پوج ءَ گسے ءَ بیڑ برتگ ءُ گو ں مردماں زوراکی کنگءَ پد مات ءُ جنکے آوار جتگ ءُ برتگ چہ بازیں آزار دیگ ءَ پد یل داتگ اَنت۔
بنشون ءِ رد ءَ اے زوراکی پنجگور ءِ ھند پنچی ءَ بیتگ کہ پرندوشی پاکستانی پوج ءَ بیڑ برتگ ءُ مات ءُ چک آوار جتگ ءُ برتگ اَنت، چہ بازیں بازیں آزار دیگ ءَ پد گوں ناگیگیں جاورا ں نادراھجاہ ءَ سر کرتگ اَنت۔
انچوش گوش بوگ ءَ اِنت کہ پاکستانی پوج ءَ گوں جنک ءَ بدکاری ھم کرتگ۔
چوش کہ چہ ایشی ءَ پیش ھم پاکستانی پوج ءَ جنین آوار جتگ ءُ بیگواہ کرتگ اَنت یا آزار داتگ ءُ گون ناگیگیں جاوراں یل داتگ اَنت۔
16 مارچ 2020 ءَ پاکستانی پوج ءَ چہ آواران ءَرزیا بلوچ نامیں جنینے ھم آوار جتگ ءُ برتگ اَت ءُ چہ بازیں آزار دیگ ءَ پد گوں ناگیگیں جاوراں یل داتگ اَت۔
چہ اے ویلاں ابید بلوچستان ءَ بازیں کچے ءَ بلوچ جنین آوار جنگ ءُ بیگواہ کنگ بیتگ اَنت۔
