بلوچ لبریشن آرمی( بی ایل اے )ءِ جارکش جیھند بلوچ ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں ھاران، کلات، نوشکے ، نسیر آباد ءُ ڈاڈر ءَ شش جتائیں کاروائیاں زورگریں پاکستانی پوج نشانگ کرتگ ءُ تاوان داتگ۔
آئی ءَ گوشتگ کہ مرچی ھاران ءِ ھند لجے ءَ بی ایل اے ءِ سرمچاراں زورگریں پوج ءِ گاڑیانی کاروان ءِ سر ءَ ھما وھد ءَ ارش کرتگ کہ آ ھمے ھند ءَ پہ زوراکی ءِ نیت ءَ پترگ ءِ جھد ءَ بیتگ۔ ھمے ارش ءَ پوجءِ سے گاڑی تچک ءَ نشانگ بیتگ ایشی آسر ءَ چار کارمند مرتگ ءُ باز ٹپی بیتگ۔
آئیءَ گوشتگ کہ زی کلات ءِ ھند شیکڑی ءُ مورگند ءَبی ایل اے ءِ سرمچاراں زورگریں پاکستانی پوج ءِ چوکی نشانگ کرتگ۔ اے کاروائی داں دیر ءَ برجاہ بیتگ۔ ایشی ءَ مزن ءُ وتکاریں سلاہ کارمرز کنگ بیتگ اَنت۔ اے ارش ءَ کم چہ کم سےکارمند مرتگ ءُ باز ٹپی بیتگ۔
جارکش ءَ گوشتگ کہ ھمے روچ ءَ کلات ءِ ھند شاہ مردان ءَ بلوچ سرمچاراں دگہ یک چوکی یے نشانگ کرتگ، ایشی آسر ءَ یک کارمندےجاھی مرتگ ءُ پوج ءَ گیشتر جانی ءُ مالی تاون بیتگ۔
آئیءَ گوشتگ کہ دوشی نوشکے ءَ بس اڈہ ءِ نزیک ءَ برجاھیں زورگریں پاکستانی پوج ءِ مزنیں بنجل ءِ پھازداریں چوکیانی سرءَ بی ایل اے ءِ سرمچاراں ارش کرتگ۔ اے کاروائی ءَ یک کارمندے مرتگ ءُ ھمے جاہ ءَ سرمچاراں زورگریں پوج ءِ نیمگءَ جتگیں چاریگی کیمرہ ھم تباہ کرتگ اَنت۔
جارکش ءَ گوشتگ کہ مرچی نسیر آباد ءِ ھند ڈیرہ مراد جمالی ءَ بی ایل اے ءِ سرمچاراں پولیس لشکر ءِ گاڑی گوں یک دستی بمب ارشے ءَ نشانگ کرتگ۔ ایشی آسر ءَ سے کارمند ٹپی بیتگ۔
آئی ءَ گوشتگ کہ دگہ یک کاروائی یے ءَ دوشی ڈاڈر ءَ بی ایل اے ءِ سرمچاراں زورگریں پاکستانی پوج ءِ یک چوکی یے گوں دستی بمب ءَ نشانگ کرتگ۔ ایشی آسر ءَ دو کارمند ٹپی بیتگ۔
جیھند بلوچ ءَ وتی درشان ءِ گڈی ءَ اے درسیں کاروائیانی زمہ واری من اتگ۔
