تربت: چہ آپسر بلوچی بازار ءَ پاکستانی پوج ءِ دست ءَ زور بیگواھیں نودربر بالاچ دلوش ءِ کھول ءَ چہ تُربَت پریس کلب ءَ پریس کانپرنس کرتگ ءُ گوشتگ کہ 21 اکتوبر 2025 ءَ پاکستانی پوج ءَ بالاچ دلوش چہ گس ءَ آوار جتگ ءُ بیگواہ کرتگ۔
آئی گوشتگ کہ بالاچ دلوش یک ھشت تبک ءِ نودربرے ءُ انوں آئی چکاس بوگ ءَ اِنت۔ بالاچ دلوش ءِ سر ءَ چونیں ھم بھتامے ھست گڑا آمیدگس ءَ پیش کنگ بہ بیت ءُ کانود ءِ رد ءَ جست کنگ بہ بیت۔
آئی ءَ گوشتگ کہ ما گوں کیچ ءِ ڈپٹی کمشنر ءُ آدگہ واکداراں گپ جتگ کہ آیاں مارا داں ھپتگے ءِ وھد داتگ، بلے یک ھپتگے ءِ گوزگ ءَ ابید ھچ وڑیں گامگیج زورگ نہ بیتگ۔
کھول ءَ گوشتگ کہ اگاں داں یک ھپتگے ءَ بالاچ دلوش آجو نہ بوت گڑا ما زھرشانی ءَ سی پیک دگ ءَ بند کن ایں ءُ نندانک ءَ ھم نند ایں۔
