بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں 26 اکتوبر ءَشپ ءِ ھشت ءَ پسنی ءِ وارڈ نمبر یک ءَ ریاستی پلہ مرزیں سلاہ بندیں کارمند سکی بکش ءُ پزل پھٹان ءِ بندر ءِ سر ءَ دستی بمب ارش کرتگ۔
آئی ءَ گوشتگ چوش کہ سکی بکش ءُ پزل پھٹان پسنی ءَ بے میاریں مردمانی آوار جنگ ءُ کوش ءَ تچک ءَ ھوار اَنت۔
جارکش ءَ گوشتگ کہ 26 اکتوبر ءِ شپ ءَ ھشت ءُ چل ءَ بی ایل ایپ ءِ سرمچاراں دگہ یک کاروائی یے ءَ نوشکے ءَ شھری پولیس تانہ ءِسر ءَ دستی بمب چگل داتگ کہ آ تہ ءَ کپتگ ءُ ترک اتگ، چہ ایشی دژمن ءَ جانی ءُ مالی تاوان بیتگ۔
میجر گھرام ءَ دوئیں کاروائیانی زمہ واری من اتگ ءُ گوشتگ ھمے کول ءَکن ایں زوگریں پوج ءُ کمکاریں سلاہ بندیں باڑھی ءُ بلوچ رمبشت ءِبگیریں پولیس کارمنداں نشانگ کن ایں۔
