کیچ: نُھ روچ پیش سی پیک دگ ءَ کیساک ءَ دگ ویل ءَ بیران بیتگیں شاہ جان کریم، نئیم نبی ءُ بھادر ھاشم ءِ کھول ءَ زھرشانی ءَ سی پیک دگ بند کرتگ۔
زھرشانی کنوکیں مردماں پلے کارڈ ھم دستاں بیتگ کہ آیانی سر ءَ جتائیں اوگام نبشتہ بیتگ اَنت۔
زھرشانی کنوکیں مردمانی گوشگ اِنت کہ اے ویل 18اکتوبر ءَ کیساک ءَ پولیس چوکی ءِ نزیک ءَ بیتگ ءُ ما 19 اکتوبر ءَ ایپ آئی آر ھم کرتگ ۔
آیاں گوشتگ کہ اے ویل ءَ دہ روچ گوستگ بلے انگت ءَ نہ زمباد ءَ واھند گرگ بیتگ ءُ نہ آئی ڈرائیور دزگیر کنگ بیتگ۔
آئی ءَ گوشتگ کہ ما گوں دمگی واکدار ءَ لوٹ کن ایں کہ آبیا اَنت ءُ مئے لوٹاں دلگوش بہ کن اَنت، دانکہ مئے لوٹ منگ نہ بنت ما وتی زھرشانی ءَ برجاہ دار ایں۔
