آواران: چہ جاھو ءَ ھشت سال پیش پاکستانی پوج ءِ دست ءَ زور بیگواہ کنگ بوتگیں کماش ھان مھمد ء کھور ھان ءِ کھول ءَ پہ آئی آجوئی ءَ توار چست کنگ ءِ لوٹ کرتگ۔
کھول ءِ گوشگ اِنت کہ ھان مھمد ءَ پاکستانی پوج ءَ 27 اکتوبر 2017 ءَ چہ جاؤ ملاھی گزی کور ءَ ھما وھد ءَ آوار جتگ ءُ بیگواہ کرتگ کہ آ چہ کوہ ءَ دیم پہ کوچگ ءَ پہ وت ءَ سامان ءِ زورگ ءَ پیداک بوتگ۔ باندا آئی زوریں بیگواھی ءَ ھشت سال سرجم اِنت کہ آئی ھچ وڑیں ھال نیست۔
آئی گوشگ اِنت کہ ھان مھمد جاھو کورک، چُرچُری ءِ جاہ منند اِنت ءُ یک کماشیں مردمے آئی ءَ گوں دگہ ھچ وڑیں کاراں کار نہ بوتگ آ بس یک شپانکے گوں پس ءُ مالاں وتی زند گوازینگ ءُ وتی گس ءَ والینگ ءَ بوتگ۔ اگاں آ سرکار ءِ میاربار اِنت گڑا آمیدگس ءَ پیش کنگ بہ بیت، اے وڑ ءَ چہ آئی زوریں بیگواھی ءَ مئے سرجمیں کھول جنجالانی دیمپان اِنت۔
کھول ءَ گوشتگ کہ ما گوں بلوچ راج ءُ مردمی ھکانی ادارھاں ھوار گوں درسیں بھرگاں سیادی داروکیں مردماں لوٹ کرتگ کہ آ پہ ھان مھمد ءِ آجوئی ءَچست کنگ ءَ وتی کرد ءَ پیلو بہ کن اَنت۔
