چہ اسلام آباد ءَ پاکستانی چیریں ادارھانی کارمندانی دست ءَ زور بیگواھیں نودربر سئید اللہ بلوچ ءِ برات مھمد آزم بلوچ ءَ گوشتگ کہ منی برات کائد آزم یونیورسٹی ءِ نودربرے کہ 8 جولائی ءَ چہ اسلام آباد ءِ ٹول پلازہ ءَھما وھد ءَ آوار جنگ بیتگ کہ آگوں آوتی آدگہ سنگتاں شال ءَ گس ءَ آھگ ءَ بیتگ۔
آئی ءِگوشگ اِنت کہ چہ براتءِ بیگواھی ءَ پد ما پہ ایپ آئی آر کنگ ءَ پولیس تانہ ءَ شتگ ایں مئے ایپ آئی آر ءَ نبیسگ نہ بیتگ۔ چہ ایشی ءَپد ما آمیدگس ءَ ھم شتگ ایں آئی ءَ ھم پرمان داتگ بلے ایس ایچ او انگتءَ ایپ آئی آر نبیسگ ءَ نہ اِنت۔
مھمد آزم بلوچ ءَ گوشتگ کہ ما پد ءَ ھم آمیدگس ءَ شتگ ایں بلے آ مئے گپ ءَ دلگوش دیگ ءَ نہ اِنت۔
