بلوچ لبریشن آرمی ( بی ایل اے) ءِ جارکش جیھند بلوچ ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں زامران، کلات ءُ مستونگ ءَ سے جتائیں کاروائیاں زورگریں پوج ءُ پہ پوج ءَ راشن بروکیں گاڑی نشانگ کرتگ ءُ شھدگ بستگ۔
آئی گوشتگ کہ بی ایل اے ءِ سرمچاراں گوستگیں روچ ءَ کیچ ءِ ھند زامران کلکی ءَ پاکستانی پوج ءِ پیادگ ءَ تر ءُ گرد کنوکیں کارمند ھما وھد ءَ گوں تراکناکیں شورھاں نشانگ کرتگ اَنت کہ آ کاروان ءِ پھازداری ءَ بوتگ اَنت۔ تراک ءِ آسر ءَ یک کارمندے جاھی مرتگ۔
آئی گوشتگ کہ بی ایل اے ءِ سرمچاراں گوستگیں روچ ءَ کلات ءِ ھند منگچر ءَ شال ءُ کراچی ءَ روکیں شھدگ داں یک ادارے ءَ بستگ، ھمے میان ءَ پاکستانی پوج ءِ کارمنداں سرمچارانی رندگیری کنگ ءِ جھد کرتگ کہ سرمچاراں کارمندانی سر ءَ اُرش کرتگ ءُ آ پد کنزتگ اَنت۔ اُرش ءِ آسر ءَ پاکستانی پوج ءِ دو کارمند جاھی مرتگ۔ ھمے میان ءَ پوج ءَ کواڈ کاپٹر ءِ سر ءَ بمب چگل داتگ بلے سرمچار رکّ اِتگ اَنت ءُ پہ سلامتی وتی بندراں سر بوتگ اَنت۔
جارکش ءَ گوشتگ کہ بی ایل اے ءِ سرمچاراں مرچی مستونگ ءِ ھند اسپلنجی مرو ءَ گریڈ اسٹیشن ءِ نزیک ءَ شھدگ بستگ ءُ پٹ ءُ پول کرتگ کہ پٹ ءُ پول ءِ وھد ءَ سرمچاراں یک گاڑی یے گپتگ کہ آئی تہ ءَ پہ پاکستانی پوج ءَ راشن ءُ منشیات مان بوتگ۔
جیھند بلوچ ءَ درشان ءِ گڈی ءَ درسیں کاروائیانی زمہ واری من اِتگ۔
