اوتل: پاکستانی پوج ءِ مساپر بس داشتگ ءُ چہ گیشیں پٹ ءُپول ءِ سوب ءَ نادراھیں زھگے بیران بوتگ۔
اھوالکار ءِ رد ءَ دوشی پاکستانی پوج ءَ چہ بلوچستان ءَ کراچی ءَ روکیں مساپر بس داں سھب ءَ اوتل ءِ بنجل ءَ داشتگ اَنت پٹ ءُ پول کرتگ اَنت کہ مساپر سکا جنجال بوتگ اَنت۔
مساپرانی گوشگ اِنت کہ بس شپ ءِ ادار سے ءَ اوتل ءَ سر بوتگ اَنت پاکستانی پوج ءَ درسیں بس داشتگ اَنت۔ سھب ءِ وھد ءَ یک نادراھیں زھگے ءِ جاور ناگیگ بوتگ اَنت، آئی کھول ءَ کمک ءِ لوٹ کرتگ بلے پاکستانی پوج ءَ کسے ءَ روگ ءَ نہ اِشتگ چہ ھمے سوب ءَ زھگ بیران بوتگ۔
آیاں گوشتگ کہ ما زھگءِجاور دیستگ اَنت پوج باز منت کرتگ کہ مئے بس ءَ موکل بدے بلے آئی انگت ءَ بس داشتگ ءُ روگ ءَ نہ اشتگ۔
