گْوادر ءِ ھند کلدان ءَ آپ ءِ نیستی ءِ بگیری ءَ مردماں زھرشانی ءَ شھدگ بند کرتگ۔ زھرشانی ءَ جنین، زھگ ءُ کماشاں ھوار مردماں بازیں کچے ءَ بھر زرتگ۔
زھرشانی کنوکیں مردمانی گوشگ اِنت کلدان ءَ گوستگیں سے ماہ بیت کہ آپ نیست ما باز براں انتزامیہ ءَ ھم گوشتگ بلے انگت ءَ آیاں پہ مئے اے جیڑہ ءِ گیش ءُ گیوار کنگ ءَ ھچ وڑیں گامگیج نہ زرتگ۔
زھرشانی کنوکیں مردمانی گوشگ اِنت دانکہ مئے آپ ءِ جیڑہ گیش ءُ گیوار کنگ نہ بیتگ ما زھرشانی ءَ شھدگ ءَ بند کن ایں۔
آیاں گوشتگ کہ ما گوں بلوچستان سرکار ءُ گْوادر انتزامیہ ءَ لوٹ کن ایں آ پہ مئے لوٹانی گوش دارگ ءَ زوت گامگیج بزور اَنت۔
