نوشکے: گرلز کالج ءِ جنکیں نودربراں بی ایس ءِ پروگرامانی ھلاسی ءِ بگیری ءَ زھرشانی روانکے کش اتگ ءُ شھر ءِ جتا جتائیں دگاں تر ءُ گرد کنگ ءَ پد نوشکے پریس کلب ءِ دیم ءَ مچ بیتگ اَنت۔
زھرشانی کنوکیں نودربراں پلے کارڈ دستاں بیتگ ءُ آیانی سر ءَ پہ بی ایس ءِ پروگرامانی برجاہ دارگ ءَ جتائیں اوگام نبشتہ بیتگ۔
آیاں چہ سرکار ءُ انتزامیہ ءَ لوٹ کرتگ کہ بی ایس ءِ پروگرام پد ءَ زوت بندات کنگ بہ بنت ءُ نودربرانی باندات گھتر بہ بیت۔
