بلوچ نیشنل موومنٹ ( بی این ایم) ءِ انسانی ھکانی ادارہ پانک ءَ وتی شنگ کرتگیں درشانے ءَ گوشتگ کہ گل ءَ یک دکاندارے ھمید بلوچ ء ھاجی زپر پنجگور گرمکان ءِ زوریں بیگواھی ءِ ھال سر بیتگ کہ آ 18 اکتوبر ءِ شپ ءَ دوازدہ ءُ نیم ءَ چہ گس ءَ پاکستانی پوج ءَ آوارجتگ ءُ بیگواہ کرتگ۔
آئی ءَ گوشتگ کہ پاکستانی پوج ءِ دست ءَ زوریں بیگواھیانی گیش بوگ ایمنی ءَ یکشل ءَ سانمند کنگ ءَ اِنت۔
پانک ءَ بژن درشان کرتگ ءُ گوشتگ کہ اے درسیں زوراکیانی زمہ وار پاکستانی پوج اِنت۔ ما گوں ھمید بلوچ ءَ ھوار درسیں زور بیگواھیں مردمانی آجوئی ءِ لوٹ ءَ کن ایں کہ آ بے میار ءَ پاکستانی پوج ءِ زنداناں بندیگ اَنت۔
