بلوچستان نیشنل پارٹی ءِ سروک سردار اکتر مینگل ءَ وتی شنگ کرتگیں درشانے ءَ گوشتگ کہ آمیدگس ءِ پرمان ءَ ابید منی نام چہ پی این آئی ایل ءِ لڑ ءَ درکنگ نہ بوتگ ءُ من ءَ چہ سپر ءَ دارگ ءَ اَنت۔
آئی گوشتگ کہ اے جاوراں ھمے راستی پیش داشتگ کہ اے ڈیھ ءَ پیسلہ آمیدگس نہ بلکیں چہ دگہ جاھاں کنگ بنت۔
سردار اکتر مینگل ءَ آمیدگس ءِ پرمانانی لگتمالی ایر جتگ ءُ گوشتگ کہ اگاں آمیدگس ءِ پرمانانی ھچیں بستارے نیست ءُ آ لگتمال کنگ بنت گڑا شرتر ھمیش انت کہ آمیدگس پہ مدامی بند کنگ بہ بنت۔ چی ءَ کہ اے وھد ءَ ما جنگل ءِ کانود ءِ رد ءَ زند گوازینگ ءَ ایں۔
