سھبت پور: پاکستانی پوج ءِ دست ءَ زوربیگواھیں سے مردمانی لاش دزکپتگ۔
اھوالکار ءِ رد ءَ کشگ بوتگیں مردمانی نام جمیل ء ھاوند بکش بگٹی، پیر جان ء کرمان بگٹی اِنت کہ آ ڈیرہ بگٹی ءِ ھند نواب بازار ءِ جھمنند اَنت۔ سیمی مردم ءِ نام ھازر بگٹی اِنت۔ کہ سی ٹی ڈی ءَ زی دروگیں میڑ ءَ کشتگ ءُ آیانی لاش سھبت پور ءَ چگل داتگ اَنت۔
چوش کہ جمیل بگٹی ءُ پیر جان بگٹی 19 مارچ 2025 ءَ چیریں ادارھانی کارمنداں چہ ڈیرہ بگٹی ءِ شھر ءَ آوار جنگ ءَ پد بیگواہ کرتگ اَت۔
چہ ایشی ءَ پیش ھمے سال ءِ 12 جون ءَ سی ٹی ڈی ءَ سوئی ءَ یوسپ ء شاہ نواز بگٹی، الی بیگءِ پاپی بگٹی ءُ زاھد ء اسمان بگٹی دروگیں میڑ ءَ شھید کرتگ اِت اَنت۔
