بلوچ ریپبلکن گارڈز ( بی آر جی ) ءِ جارکش دوستین بلوچ ءَ وتی شنگ کرتگیں درشانے ءَ گوشتگ کہ 16 اکتوبر ءَ بی آر جی ءِ سرمچاراں سبی ءُ بکتیار آباد ءِ میان ءَ شھر دو سالاری ءَ شھدگ ءِ سر ءَ سنگر گپتگ ءُ زورگریں پاکستانی پوج ءِ سر ءَ ارش کرتگ۔ ارش ءِ آسر ءَپوج ءِ دو کارمند مرتگ ءُ دو سکا ٹپی بیتگ، گاڑی ھم سکا تاوان بیتگ۔
آئی ءَ گوشتگ کہ ما پولیس ءُ لیویز ءَ کڈن کن ایں کہ آ شپ ءَ تر ءُ گرد مہ کن اَنت، اگاں نہ وتی تاوان ءِ زمہ وار وت اَنت۔
دوستین بلوچ ءَ ارش ءِ زمہ واری من اتگ ءُ گوشتگ کہ داں بلوچستان ءِ آجوئی ءَ مئے کاروائی برجاہ بنت۔
