کراچی ءِ جتا جتائیں جاھاں پاکستانی پوج ءَ بیڑ برتگ ءُ دو ورنا آوار جنگ ءَ پد بیگواہ کرتگ۔
زرمبش جھگیر ءِ رد ءَ دوشی پاکستانی پوج ءَ کراچی ءِ ھند سپوران گوٹ ءَ بیڑ برتگ ءُ سمیر بلوچ ء نوشروان نامیں ورنایے آوار جنگ ءَ پد بیگواہ کرتگ۔ زور بیگواھیں سمیر بلوچ گْوادر ءِ ھند جیمڑی ءِ جاہ منند اِنت۔
ھمے وڑ ءَ پاکستانی پوج ءَ 24 ستمبر ءَ زاکر الی ء مھمد ابراھیم آوار جتگ ءُ بیگواہ کرتگ کہ آ کراچی ءِ ھند لیاری نوکیں لین ءِ جاہ منند اِنت۔
آئی بیگواھی ءِ گپ بی این ایم ءِ انسانی ھکانی ادارہ پانک ءَ راست کرتگ ءُ گوشتگ کہ زاکر الی دکاندارے ءُ چہ وتی میتگ ءَ آوار جنگ بیتگ۔
