چہ تربت سول سوسائٹی ءِ نیمگ ءَ شنگ بیتگیں جارے ءَ گوشگ بیتگ کہ راجی شائر مبارک کازی ءِ بیرانی ءِ دومی سالروچ ءِ درگت ءَ 28 ستمبر 2025 ءَ آئی ءِ یات ءَ گورنمنٹ بوائز ماڈل ھائی اسکول گراؤنڈ تربت ءَ "یاتگیری دیوانے برجم دارگ بیت۔
آئی گوشتگ کہ اے پروگرام ءِ شیڈول ءِ رد ءَ بیگاہ ءِ 5:30 ءَ پینل ڈسکشن، 6:30 ءَ شائری ءِ بھر ءُ 8 ءَ ساز ءُ زیملی مراگش بیت کہ ایشی ءِ تہ ءَ شائر، ادیب، نودربر ءُ دمگ ءِ جتا جتائیں پگر ءُ ھیالانی مردم بھر زور اَنت۔
آئی ءَ گوشتگ کہ مراگش ءِ تہ ءَ راجی شائر مبارک کازی ءِ اکیڈمک ءُ لبزانکی کارساڑاھگ بنت ۔ ایشی ءِ ھمراھی ءَ ورنائیں شائر ءُ بی ایس او ءِ چیئرمین بالاچ کادر ءِ شائری دپتر "زمین ءُ زمانگ ءِ گم” ءِ دیمدرائی مراگش ھم برجم دارگ بیت۔
