شال: بلوچستان ءَ زوریں بیگواھی ءِ بگیری ءَ شال پریس کلب ءِ دیم ءَ برجاھیں زھرشانی گدان ءَ 5312 روچ سرجم بوتگ ءُ انگت ءَ برجاہ اِنت۔ جتائیں بھرگاں سیادی داروکیں مردم پہ ھمدردی درشان کنگ ءَ گدان ءَ آتکگ اَنت۔
بیگواھیں بلوچانی توار ( وی بی ایم پی ) ءِ سرکماش نسر اللہ ءَ گوشتگ کہ یک مردمے ءِ زوریں بیگواھی ءَ آئی تیوگیں کھول تکانسر بیت ءُ سسائی آزارانی دیمپان بیت۔
آئی ءَ گوشتگ کہ ریاست ءُ ریاستی ادارھانی سروکاں زور بیگواھیں مردمانی جیڑہ گوں مردمگری ءِ بنیاد ءَ چارگ ءُ پہ زور بیگواھیں مردمانی یل کنگ ءَ دلجمی دیگی اِنت، اے سانمندیں کھولاں چہ تیوگیں زند ءِ رنجاں آجو کنگی اَنت۔
