شال: وائس پار بلوچ مسنگ پرسنز ءَ وتی درشان ءَ گوشتگ کہ مارا ھال دیگ بوتگ کہ شش اپریل ءِ شپ ءَ پاکستانی پوج ءَ تُربَت ءِ ھند گوگدان ءَ الیاس ء میا داد نامیں ورنایے آوار جتگ ءُ بیگواہ کرتگ۔ چہ ایشی ءَ پد آئی ھچ ھال نیست کہ آ چون ءُ کج ءَ اِنت۔ الیاس کرکٹ ءِ لئیبی یے۔
آئی گوشتگ کہ چہ سرکار ءِ نیمگ ءَ الیاس ءِ دزگیری انگت دیم ءَ آرگ نہ بوتگ کہ چہ ایشی ءَ آئی کھول سکا جنجال اِنت۔
وی بی ایم پی ءَ الیاس ءِ زوریں بیگواھی ءِ سر ءَ بژن درشان کرتگ ءُ گوں سرکار ءَ لوٹ کرتگ کہ پہ آئی آجوئی ءَ دلجمی دیگ بہ بیت۔ اگاں آئی سر ءَ چونیں ھم بھتامے ھست گڑا آمیدگس ءَ پیش کنگ بہ بیت۔
بنشون: درشان اکس: رسانکدر
