زیارت: پجار نہ بوتگیں سلاہ بندیں مردمانی دست ءَ آوار جنگ بوتگیں اسسٹنٹ کمشنر مھمد اپزل کشگ بوتگ۔
اھوالکار ءِ رد ءَ سلاہ بندیں مردماں چہ سرکار ءَ وتی لوٹانی منارینگ ءِ جھد کرتگ بلے سرکار ءَ آیانی لوٹ نہ من اِتگ اَنت کہ ایشی پژدر ءَ سلاہ بندیں مردماں اسسٹنٹ کمشنر مھمد اپزل کشتگ۔
سرکار ءَ مھمد اپزل ءِ کوش ءِ گپ راست کرتگ ءُ گوشتگ کہ آئی زھگ انگت بیگواہ انت۔
چوش کہ دو ماہ پیش سلاہ بندیں مردماں اسسٹنٹ کمشنر ءُ آئی زھگ چہ زیارت ءَ آوار جنگ ءَ پد بیگواہ کرتگ اَت بلے آیانی بیگواھی ءِ زمہ واری ھچ گل ءَ نہ زرتگ۔
