اسلام آباد ءَ پہ بلوچ یکجھتی کمیٹی ءِ سروک ءُ زور بیگواھیں مردمانی آجوئی ءَ برجاھیں زھرشانی نندانک ءَ شست ءُ ھپت روچ سرجم بیتگ کہ انگت ءَ برجاہ اِنت۔
زھرشانی کنوکیں مردماں چو مدامی وڑ ءَ زھرشانی روانکے کش اتگ ءُ پہ وتی لوٹانی ھک ءَ اوگام جتگ۔
آیانی گوشگ اِنت کہ اے شست ءُ ھپت روچ تھنا ودار نہ اَنت بلکیں پہ ھک ءُ راستی ءَ گھگیری جھد ءِ بھر اَنت۔ ما ت پہ وتی زھگاں ارس گوارگءَ اَنت ءُ زھگ پہ انساپ ءِ نام ءَ وتی کسانی ءِ وشیاں ببا دیگ ءَ اَنت۔
آیانی گوشگ اِنت کہ اے ریاست ءِ بے تواری ءُ رسانکدر ءِ مان نیارگ ھمے چیز ءَ پیش دار ایت کہ اے تھنا یک نندانکے نہ اِنت بلکیں جھد ءُ گھگیری ءِ جار اِنت، بلوچ راج ءِ توکل ءَ کس نزور کرت نہ کنت۔
آیانی گوشگ اِنت دانکہ بی وائی سی ءِ سروک ءُ زور بیگواھیں مردم آجو کنگ نہ بیتگ اَنت ما وتی زھرشانی نندانک ءَ برجاہ دار ایں۔
