بلوچ نیشنل موومنٹ ( بی این ایم ) ءِ نیمگ ءَ جنیوا ءَ بلوچستان ءِ ھپتمی میان استمانی دیوان زی بندات بیتگ کہ اے داں سے روچاں گوں جتائیں پروگراماں برجاہ بیت۔ اے پروگرام ءَ بلوچ نیشنل موومنٹ ( بی این ایم ) ءِ بنجاھی چیئرمین ڈاکٹر نسیم بلوچ، دری کارانی کارگشاد پھیم بلوچ ءَ ھوار ڈائسپورہ ءِ جتائیں ھنکین ءُ چیپٹرانی کارکناں بازیں کچے ءَ بھر زرتگ۔
چوش کہ زی کانپرنس بیتگ کہ آئی ءَ بی این ایم ءِ چیئرمین ڈاکٹر نسیم بلوچ، دری کارانی کارگشاد پھیم بلوچ، بنجاھی پتر ءِ باسک ھاتم، برتانیہ ءِ پارلیمنٹ ءِ باسک جان میکڈول، نیشنل ڈیموکریٹک موومنٹ ءِ سروک مھسن دراوڑ، ورلڈسندی کانگریس ءِ سروک راؤپ لگاری، ڈاکٹر مھمد تارک ءُ آدگہ مردماں بلوچستان ءِ جھد، ھک، گھگیری ءُ زمینی راستیانی سر ءَ گپ جتگ ءُ بلوچستان ءَ سیاسی جنجال ءُ انسانی ھکانی لگتمالیاں سر ءَ وتی ھیال درشان کرتگ اَنت۔
اے سے روچی پروگرام ءِ مرچی دومی روچ ءَ زھرشانی ءُ پوٹواگزیبیشن بوگ ءَ اِنت ءُ باندات ھم پروگرام ءِ گڈی روچ ءَ پوٹو اگزیبیشن بیت۔
