بلوچ لبریشن آرمی (بی ایل اے) ءِ جارکش جیھند بلوچ ءَ وتی شنگ کرتگیں درشانے ءَ گوشتگ کہ پاکستانی پوج گوں تراکناکیں شورھاں نشانگ کرتگ۔ مستونگ ءَ مادن بروکیں گاڑی نشانگ کرتگ۔
آئی گوشتگ کہ بی ایل اے ءِ سرمچاراں کیچ ءِ ھند تمپ، نزر آباد ءَ زورگریں پوج ءِ کاروان ءَ ھواریں یک گاڑی یے گوں تراکناکیں شورھاں نشانگ کرتگ۔ تراک ءِ آسر ءَ پوج ءِ گاڑی سرجم ءَ تباہ بوتگ ءُ آئی ءَ سواریں ھپتں کارمند مرتگ اَنت۔
آئی گوشتگ کہ ھمے وڑ ءَ بلوچ لبریشن آرمی ءِ سرمچاراں مستونگ ءِ ھند کڈ کوچگ ءَ مادن بروکیں یک گاڑی یے ءِ سر ءَ اُرش کرتگ ءُ گاڑی تاوان داتگ۔
جارکش جیھند بلوچ ءَ اے اُرشانی زمہ واری من اتگ انت۔
