کیچ: مند ءَ پاکستانی پوجءُ چیریں ادارھانی جوڑ کرتگیں کشندہ ٹولی ءِ کارمندانی دست ءَ ناھک ءَ کشگ بیتگیں ازھار بلوچ ءُ ملا بھرام بلوچ ءِ کوش ءِ بگیری ءَ سرجمیں مند ءَ تھتگ بند ھرتال کنگ بیتگ۔
زھرشانی کنوکیں مرمانی گوشگ اِنت کہ اے ورنایانی کشندہ دزگیر کنگ بہ بنتءُ گوں آیانی کھولاں انساپ کنگ بہ بیت۔ ریاستی ادارھانی دست ءَ زوریں بیگواھی ءُ ورنایانی درکانودی کوش بند کنگ بہ بیت۔
دومی نیمگ ءَ ریاستی کارمند دکانداراں بیھار دیگ ءَ اَنت کہ وتی دکاناں پچ بہ کن اِت اگاں نہ گڑا پہ مدامی شمئے دکان بند کنگ بنت۔ بلے چہ پوجءِ بیھار ءَابید ھم دنکانداراں وتی دکان پچ نہ کرتگ اَنت۔
چوش کہ دو روچ پیش مند ، سورو ءُ کوہ ڈگار ءَ چہ ریاستی کشندہ ٹولی ءِ کارمندانی تیرگواری ءَ اَزھار بلوچ ء ملا مجیب ءُ ملا بھرام ء گپور کشگ بیتگ اَنت۔
