کیچ ءِ بنجاھی شھر تربت ءَ پاکستانی پوج ءَ بیڑ برتگ ءُ دو براتاں ھوار سے ورنا آوار جتگ ءُ بیگواہ کرتگ ۔
زرمبش جھگیر ءِ رد ءَ پاکستانی پوج ءِ گوں چیریں ادارھانی ھواری ءَ دوشی یک ءُ نیم ءَ آپسر ءَِ گسے ءَ بیڑ برتگ ءُ سادک بلوچ ء نور اللہ، کلیم جان ء نور اللہ ءُ مسلم بلوچ ء ملنگ آوار جتگ ءُ بیگواہ کرتگ اَنت۔
آیانی بابتءَ گوشگ بیت کہ سے ئیں مردم یکیں کھول ءِ مردم اَنت، سادک ءُ کلیم برات اَنت ءُ مسلم آ دوئینانی ناکو اِنت۔
