چہ ھرنائی ءَ پاکستانی پوج ءِدست ءَ بیگواہ کنگ بیتگیں ھاپز مھمد داؤد ء گلبران ءِ کھول ءَچہ انسانی ھکانی ادارھاں پہ آئی آجوئیءَ توار چست کنگ ءِ لوٹ کرتگ۔
کھول ءِ گوشگ اِنت کہ ھاپز مھمد داؤد ھرنائی ءِ ھند اسپین تنگی ءِ جاہ منند اِنت کہ 27 اپریل 2022 ءَ پاکستانی پوج ءُ چیریں ادارھانی کارمنداں آوار جتگ ءُ بیگواہ کرتگ کہ انگت ءَ بیگواہ اِنت۔
آئیءَ گوشتگ کہ سے سال گوزگ ءَابید ھاپز مھمد داؤد ءِ ھچ وڑیں ھال نیست کہ چہ ایشی ءَ سرجمیں کھول رنجانی دیمپان اِنت، زوریں بیگواھی نہ تھنا آئی کھول ءَ بلکیں یک پدریچے سانمند کنت۔ داؤد ءِ مات ھم چہ وتی زھگ ءِ بیگواھی ءِ رنجاں نادراہ اِنت۔
کھولءَ گوں انسانی ھکانی ادارھاں لوٹ کرتگ کہ آپہ مھمد داؤد ءِ آجوئی ءَ توار چست کنگ ءَ وتی کرد ءَ پیلو بہ کن اَنت۔
