پلستین: گزہ ءَ چہ اسرائیل ءِ نوکیں ارشانی آسر ءَ دگہ ھبدہ پلستینی مرتگ۔
جھانی رسانکدر الجیزہ ءِ رد ءَ اسرائیل ءَ دوشی گزہ ءَ وانگجاہ، ٹینٹ ءُ دگہ یک گسے ءِ سر ءَ ارش کرتگ کہ ارشانی آسر ءَ کم چہ کم ھبدہ پلستینی مرتگ۔
چہ اکتوبر 2023 ءَ گزہ ءِ سر ءَ اسرائیل ءِ بندات بیتگیں ارشاں داں انوں کم چہ کم 64368 مردم مرتگ ءُ 162367 مردم ٹپی بیتگ اَنت۔
اے بابت ءَ گزہ ءِ جاندراھی تک ءِ گوشگ اِنت کہ گوستگیں بیست ءُ چار ادارنی میان ءَ دگہ پنچ پلستینی شد ءَ کشتگ کہ آیانی تہ ءَ کسانیں زھگ ھوار اَنت۔
آئی ءِ گوشگ اِنت چہ اے جنگ ءِ بندات ءَ داں انوں شد ءَ مرتگیں مردمانی کچ 387 ءَ سر بیتگ کہ آیانی تہ ءَ 138 زھگ ھوارا نت۔
