اسلام آباد: بلوچ یکجھتی کمیٹی ءِ زھرشانی نندانک ءِ سروک ڈاکٹر ماہ رنگ ءَ ماں چاگردی رسانکدر ایکس ءَ اسلام آباد پولیس ءِ زوراکیانی پژدر ءَ نبشتگ کہ چہ گوستگیں شپ ءَ اسلام آباد پولیس پہ نزوریں راجانی میان استمانی کانپریس ءِ دارگ ءَ زوراکی کنگ اِنت ءُ مئے نندانک ءِ کارکنانی نشانگ کنگ ءُ ترسینگ برجاہ اِنت۔
آئی گوشتگ کہ مرچی سھب ءَ نزوریں راجانی میان استمانی کانپریس ءَ آؤکیں مردماں ترسینگ ءَ اِنت ءُ اد ءَ آھگ ءَ دارگ ءَ اِنت۔ ٹٹ ءِ تار ءُ پولیس کارمند بازیں کچے ءَ آرگ بوتگ اَنت۔
ڈاکٹر ماہ رنگ ءَ گوشتگ کہ مارا ھمے گمان بیت پولیس مئے زھرشانی نندانک ءَ بیڑ بارت۔ ما گوں بلوچاں ھوار چہ جھان ءِ درسیں مردم دوستانی گون ءَ لوٹ کن ایں کہ اے زوراکیانی بگیری ءَ توار چست بہ کن اَنت۔
