اھوالکار ءِ ردءَ زی چہ ڈیرہ بگٹی ءِ شھر ءَ پاکستانی پوج ءِ دست ءَ بیگواہ کرتگیں مردمانی نام وسیم ء شریپ بگٹی، مھم جان ء رھیم بگٹی، مھمد ھسین ء شاہ زین بگٹی، کلیرو ء لیوی بگٹی اِنت ءُ دوشی چہ پیرکوہ ءَ بیگواہ کرتگیں مردمانی نام الی ھسین ء ھاجی بگٹی، ابدالستار ء کھور ھان بگٹی، بلک شیر ء تاج مھمد بگٹی، اتا مھمد ء الی بیگ بگٹی، نواب ھان ء مور ھان بگٹی، سدیک ء شیر مھمد بگٹی ءُ گلزار ء شازو بگٹی اِنت۔
ھندی مردمانی گوشگ انت کہ سی ٹی ڈی شھریاں آوار جنگ ءُ آیاں براھمدگ بگٹی ءِ پلہ مرزی کنوک گوشگ ءُ بیگواہ کنگ ءَ اِنت۔ پد ءَ چہ کشندہ ٹولی ءِ نیمگ ءَ کروڈانی کچ ءَ زر لوٹ اَنت کہ شمئے مردماں یل کن ایں۔
آیاں گوشتگ کہ کجام مردم زر دات کن اَنت آ یل کنگ بنت ءُ کجام کہ زر دات نہ کن اَنت آ سالانی سال زندان ءَ بند کنگ بنت۔
