سبی ءِ ھند تلی ءِ جاہ منند جما ھان مری ءَ وتی شنگ کرتگیں تامربندے ءَ گوشتگ کہ پاکستانی پوج ءَ منی کھول ءِ پنچ مردم جتائیں وھداں آوار جتگ ءُ بیگواہ کرتگ آیانی بیگواھی ءَ باز سال گوشتگ کہ انگت ءَ بیگواہ اَنت۔
آئی ءِ رد ءَ توکل ء ھاجی مھر الی مری 16 اپریل 2007ءَ آوار جنگ بیتگ۔ سوراب ھان مری ،بھت الی ء ھاجی مھر الی مری ، پیاز اھمد ء کادر ھان ءُ ھمل ھان مری10 اگست 2016 ءَ پاکستانی پوج ءَ چہ سبی ءِ ھند تلی ءَ آوار جتگ ءُ بیگواہ کرتگ اَنت۔
جما ھان مری ءَ گوشتگ کہ منی مردمانی سر ءَ چونیں ھم بھتامے ھست گڑا آمیدگس ءَ پیش کنگ بہ بنت، بے میار اَنت یل کنگ بہ بنت۔ اگاں کشگ بیتگ اَنت ما کھول سھی کنگ بہ بہ ایں۔
