انسانی ھکانی میان استمانی ادارہ ایمنسٹی انٹر نیشنل ءَ چہ پاکستان سرکار ءَ پہ زور بیگواھیں آسپ بلوچ ءُ رشید بلوچ ءَ ھوار آدگہ بیگواھیں مردمانی بابت ءَ کھولاں سرپدی دیگ ءِ لوٹ کرتگ ۔
آئی ءَ گوشتگ کہ مھمد آسپ ءُ رشید بلوچ یکیں کھول ءِ مردم اَنت ءُ ھپت سال پیش ھمے روچ ءَ 31 اگست 2018 ءَ گوں ھمبلاں چہ پکنک جاہ ءَ آوار جنگ بیتگ اَنت۔
آئی ءَ گوشتگ کہ آیانی کھول پہ انساپ ءُ آجوئی ءَ آمیدگس ءَ ھم شتگ اَنت۔ پہ زوریں بیگواھی ءَ جوڑ کرتگیں کمیشن ءَ گوشتگ کہ آ سرکاری ادارھانی کِر ءَ نہ اَنت۔ آیانی کھول انگت ءَ پہ آیانی آجوئیءَ وداریگ اِنت۔
آئی ءَ گوشتگ کہ پاکستان سرکار ءَ زوریں بیگواھی ھلاس کنگ لوٹ ایت۔ آسپ ءُ رشید ءَ ھوار پہ درسیں زور بیگواھیں مردمانی بابتءَ سرپد دیگ لوٹ ایت۔
