تربت: چه بلوچ یکجھتی کمیٹی ( بی وائی سی ) ءِ نیمگ ءَ زوربیگواهی ءِ میان استمان روچ ءِ درگت ءَ تربت پریس کلب ءِ دیم ءَ زهرشانی کنگ بیتگ۔
زھرشانی ءَ جنین ءُ زھگاں ھوار چه جتائیں بھرگاں سیادی داروکیں مردماں بازیں کچے ءَ بھر زرتگ ، زھرشانی کنوکاں پلے کارڈ دست ءَ بیتگ ءُ بلوچستان ءِ زوربیگواھیانی بگیری ءَ اوگام جتگ۔
زھرشانی کنوکیں مردماں بلوچستان ءَ زوربیگواه کنگ بیتگیں مردمانی زوت آجو کنگ ءِ لوٹ کرتگ ءُ گوشتگ که ما ایمنیں وڑے ءَ وتی توار ءَ چست کنگ ءَ این دانکه سرکار مئے توار ءَ اِش به کنت ءُ زوربیگواھیں مردماں آجو به کنت ءُ آیانی کھولاں انساپ به دنت۔
