شال: سی ٹی ڈی ءَ بلوچستان نیشنل پارٹی ( بی این پی ) ءِ بنجاھی سروک سردار اکتر مینگل ءُ ماما کدیر ءَ هوار باز مردمانی بگیری ءَ ایپ آئی آر کرتگ.
سی ٹی ڈی ءَ سردار اکتر مینگل ءَ هوار بلوچستان مزن آمیدگس ءِ پیشیگیں سروک ساجد ترین ، جنزل ملک نسیر شاھوانی ، آگا ھسن بلوچ ، گلام نبی مری ، میر مکبول لھڑی ، شکیله نوید ، جھانزیب مینگل ، سناء بلوچ ، الی اھمد کمبرانی ، رمزان بلوچ ، ماما کدیر ، اکرا بلوچ ، ھوران بلوچ ، ھلامه مکسود ڈومکی ءُ بی این پی ءِ بازیں سروکانی بگیری ءَ ایپ آئی آر کرتگ ءُ گوشتگ که آیاں شاھوانی اسٹدیم ءَ برجم داشتیں دیوان ءَ ریاست ءِ بگیری ءَ کم شرپی تران کرتگ۔
چوش که 2 مئی 2025 ءَ چه بی این پی ءِ نیمگ ءَ شال ءَ ڈاکٹر ماه رنگ ءُ بی وائی سی ءِ آدگه سروکانی دزگیری ءُ بلوچستان ریاست ءِ برجاھیں زوراکیانی بگیری ءَ مچی یے برجم دارگ بیتگ اَت۔
