آپریشن ھیروپ ءِ یک سالے ءِ سرجم بوگ ءَ چہ بی ایل اے ءِ رسانکدری تندجاہ ھکل ءِ نیمگ ءَ یک ڈاکومنٹری یے شنگ بیتگ۔ اے بابت ءَ بی ایل اے ءِ سروک بشیر زیب ءِ گوشگ اِنت کہ سالے پیش ما ھیروپ آپریشن بندات کرتگ ایشی ما تھنا دژمنءِ سر ءَ ارش نہ کرتگ ما گوستانکی یک جارے جتگ اَت کہ اے سرڈگار مئیگ اِنت ءُ مدام مئے بیت۔ ما پہ اے ھاک ءَ گامگیج پمشکا زرتگ کہ مئے ھون ءِ ھمک ترمپ اے سرڈگار ءِ شادمانی ءُ آجوئی ءِ نھاد اِنت۔
آئی ءَ گوشتگ کہ ھیروپ آپریشن مئے زور ءِ پیش دارگ نہ بیتگ بلکیں مئے ارواہ ءِ درشان ءُ یکجھتی ءِ جار اِنت ءُ مئے گامگیج ءُ راھبندانی ھیلکاری اِنت۔ آئی بنجاہ لرزینتگ اَنت، آئی شھدگ ھالیگ کرتگ اَنت ءُ آئی باندات ءِ واھشت پہ مدامی ترس آماچ کرتگ۔
بشیر زیب ءَ گوشتگ کہ مرچی سالے ءَ پد ما ھمے راہ ءِ دیم ءِ موڑ ءَ اوشتاتگ ایں۔ ھیروپ آپریشن ءِ دومی بھر مئے گوستانک ءِ ھما در بیت کہ پہ دژمن ءَ زوال ءُ مئے وتواجھی ءِ بندات نبیسگ بیت۔
بی ایل اے ءِسروک ءَ گوشتگ کہ ما گیشترجاڑیگ، مھکم ءُ ترند ایں۔ اے جنگ تھنا شورہ ءُ تیرانی نہ اِنت اے مئے توکلءُ ارادہ ءِ اِنت، اے جنگ راھبند ءُ دیمونی اِنت۔
آئی ءَ گوشتگ کہ ما یک جان، یک توار، یک مارشت ایں ءُ دانکہ اے جان ءَ ساہ مان اِنت ءُ مئے چم گند اَنت ما نہ اوشت این ءُ پروش نہ وریں، آ روچ دور نہ اِنت کہ دژمن ءِ گڈی بیرک چہ مئے سرڈگار ءَ چست بہ بیت ءُ مئے سرڈگار وتی زھگانی ھوناں پہ مدامی شرپ بہ بکش ایت۔
چوش کہ بی ایل اے ءِ ھیروپ آپریشن بلوچستان ءِ چاردہ دمگانی تہ ءَ یکیں وھد ءَ کنگ بیتگ اَت۔
