سبی ءَ پجار نہ بیتگیں سلاہ بندیں مردماں پاکستانی پوج ءِ سر ءَ اُرش کرتگ۔
اھوالکار ءِ رد ءَ سلاہ بندیں مردماں انشپی ھشت ءَ سبی ءِ ھند مٹھری ءِ نزیک ءَ پاکستانی پوج ءِ چوکی نشانگ کرتگ۔ اُرش ءِ آسر ءَ پوج ءِ جانی تاوان ءِ ھال اِنت۔
بنشون ءِ رد ءَ سلاہ بندیں مردماں انشپی بازیں کچے ءَ مستونگ ءِ ھند دشت ءَ دگ بستگ ءُ گاڑیاں پٹ ءُ پول کنگ ءَ اَنت۔ انگت ءَ دگہ آوارجنی ءُ جانی تاوان ءِ ھال نیست۔
اے دوئیں کاروائیانی زمہ واری انگت ءَ ھچ گل ءَ نہ زرتگ۔
