بلوچ لبریشن آرمی ( بی ایل اے ) ءِ جارکش جیھند بلوچ ءَ وتی شنگ کرتگیں درشانے ءَ گوشتگ کہ بی ایل اے ءِ سرمچارسنگت زاھد سالہ پنام واھد گوں زورگریں پوج ءَ میڑےءَ شھید بیتگ۔
جارکش ءَ گوشتگ کہ22 اگست ءَ تمپ ءِ میتگ تلوکاں بی ایل اے ءِ سرمچار گل ءِ کارے ءِ درچ ءَ سپر ءَ بیتگ اَنت کہ گوں زورگریں پوج ءَ دیم پہ دیم بیتگ اَنت۔ اے میڑ ءَ زورگریں پوج ءِ باز کارمند مرتگ ءُ ٹپی بیتگ۔ سرمچار زاھد سالہ پنام واھد گوں نہ ترسی ءَ جنگ داتگ ءُ شھید بیتگ۔
آئی ءَ گوشتگ کہ شھید زاھد پنام کیپٹن واھد ء سالہ کیچ ءِ ھند تمپ، نزرآباد ءِ جاہ منند اِنت۔ چہ وتی بودناکیانی بابت ءَ سنگتانی میان ءَ نام کٹ اتگیں سنگت زاھد 2014 ءَ پہ بلوچ راجی آجوئی جھد ءَ سلاہ بندیں زرمبشت ءَ ھوار بیتگ۔
جارکش ءَ گوشتگ کہ شھید زاھد پنام واھد 2023 ءَ بی ایل اے ءَ ھوار بیتگءُ تمپ،زامران ءُ دشت ءَ جنگ کرتگ۔آ یک سکا جپاکشیں سنگتے بیتگ ءُ آئی وتی زندگی ءِ ھمک دمان پہ سرڈگارءَ ندر کرتگ۔
جیھند بلوچ ءَ گوشتگ کہ شھید سنگت زاھد بلوچ ءِ دیمونی ھمے گپ ءِ گواہ اِنت کہ زورگریں توانمندانی بگیری ءَ جھد گوں یک مردمے ءَ بندوک نہ اِنت بلکیں یک راجی توکلے۔ شھیدانی کاروان ءُ واھشت زندگ اَنتءُ سرمچار وتی جانانی دیمونی ءَ دیگ ءُ جھد ءَ دیم ءَ برگ ءَ اَنت۔ بلوچ راج وتی شھیدانی ھوناں زوال نہ کنت ءُ ھمایانی راہ ءَدیم پہ آجوئی ءَ جنزاں کنت۔
