بلوچ وومن پورم ءِ نیمگءَ گوں اکوام متھدہ ءِ زوریں بیگواھیانی بابتءَ جوڑ کنگ بیتگیں ورکنگ گروپ ءِ گون ءَ دیوانے برجم دارگ بیتگ کہ ایشی ءَ بلوچستان ءَ زوریں بیگواھی ءِ جیڑہ دیمءَ آرگ بیتگ اَنت۔ اے بابت ءَ زور بیگواھیں مردمانی کھولاں بھر زرتگ ءُ پہ وتی آزیزانی جاندراھی، سلامتی ءُ بنیادی انسانی ھکانی بابت ءَ بژن درشان کرتگ۔
بلوچ وومن پورم ءِ جارکش ءَ گوشتگ کہ پورم مدام سرجمیں پاکستان ءَ بزاں بلوچستان ءِ زوریں بیگواھیانی بگیری ءَ آئی لیکہ تچک اِنت۔ درکانودی آوارجنی ءُ زوریں بیگواھی بنیادی انسانی ھکانی بگیری اِنت۔
آئی ءَ گوشتگ کہ یک روچی دیوان ءَ چہ جتائیں دمگاں کھولاں اکوام متھدہ ءِ ٹولی ءِ دیم ءَ وتی جیڑہ گوشتگ اَنت۔
دیوان ءِ ھلاسی ءَ وومن پورم ءِ بنجاھی سروک ڈاکٹر شلی بلوچ ءَ تران کرتگ ءُ گوشتگ کہ زوریں بیگواھی چہ لس مردماں بگر داں سیاسی کارکناں درساں سانمند کنگ ءَ اِنت۔
آئی ءَ اکوام متھدہ ءِ ورکنگ گروپ ءَ منت گپتگءُ گوشتگ کہ ما پاکستان ءَ درسیں درانی ٹکگ ءَ پد نوں میان استمانی ادارھانی نیمگ ءَ پیداک ایں دانکہ بلوچستان ءَ زوریں بیگواھی ھلاس کنگ بہ بیت۔
