بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر وتی شنگ کرتگیں درشانے ءَ گوشتگ کہ بی ایل اے ءِ سرمچاراں کلات ءِ گرانی ءَ بلوچ راجی مڈیانی بروکیں یک گاڑی یے نشانگ کرتگ۔ سرمچاراں تیرگواری کرتگ ءُ گاڑی ءِ درسیں ٹائر تباہ کرتگ اَنت۔
جارکش ءَ گوشتگ کہ بی ایل اے ءَ پیش ءَ ھم تچک کرتگ کہ بلوچ راجی مڈیانی لٹ ءُ پل کنگ ءَ کس ءَ موکل نہ دے ایں، گاڑی ڈرائیور ءُ واھنداں یک رندے پد ءَ کڈن کن ایں کہ آ چہ اے کار ءَ وت ءَ گستا بدار اَنت اگاں نہ چو آدگرانی وڑ ءَ وتی جان ءُ مال ءِ تاوان ءِ زمہ وار وت اَنت۔
بی ایل اے ءِ جارکش جیھند ءَ اُرش ءِ زمہ واری منّ اِتگ ءُ گوشتگ کہ داں سرڈگار ءِ آجوئی ءَ زورگریں لشکر ءُ آئی شریدارانی سر ءَ مئے اُرش برجاہ بنت۔
