کراچی: پاکستانی چیریں ادارھانی دست ءَ زور بیگواھیں زاھد بلوچ ءِ کھول ءِ نیمگ ءَ چہ ھور ءِ گوارگ ءَ ابید کراچی پریس کلب ءِ دیم ءَ ھبدھمی روچ ءَ زھرشانی نندانک برجاہ بیتگ۔
ابدُلھمید بلوچ ءَ گوں اھوالکاراں تران کرتگ ءُ گوشتگ کہ ما پہ وتی زھگ ءِ آجوئی ءَ نہ تھنا زھرشانی کنگ ءَ ایں بلکیں کانود ءِ رد ءَ سند مزن آمیدگس ءَ شتگ ءُ پٹیشن یاداشت کنگ ءَ پد آمیدگس ءِ پرمان ءِ رد ءَ پولیس ءِ کر ءَ زاھد بلوچ ءِ ایپ آئی آر ھم نبیس اتگ۔
آئی ءَ گوشتگ کہ زوریں بیگواھی یک درکانودی ءُ در انسانی کارے اے نہ تھنا بنکی انسانی ھکانی بگیری اِنت بلکیں ایشی سانمندیں کھول اوپار کرت نہ کن اَنت۔
آئی ءَ گوشتگ کہ منی لوٹ ھمیش اِنت زاھد بلوچ ءِ سر ءَ چونیں ھم بھتامے ھست گڑا آمیدگس ءَ پیش کنگ بہ بیت، اگاں بے میار اِنت گڑا زوت یل کنگ بہ بیت۔
