بلوچ نیشنل موومنٹ ( بی این ایم )ءِ چیئرمین ڈاکٹر نسیم بلوچ ءَ ماں چاگردی رسانکدر ایکس ءَ نبشتگ کہ ھاجی رزاک بلوچ،بی این ایم ءِ یک بے مٹیں سروکے اَت کہ 24 مارچ 2013 ءَ چہ کراچی ءَ پاکستانی پوج ءِ دست ءَ زور بیگواہ کنگ بیتگ۔ آئی زوریں بیگواھی ءَ آئی کھول ءُ ھمبلان ءَ گوں یک نہ کٹوکیں رنجے ءَ دیم پہ دیم کرتگ۔ آ داں چنت وھد ءَ آئی رھچاری کنگ ءُ سلامتی آھگ ءِ لوٹ ءَ کنگ ءَ بیتگ اَنت، بلے آیانی لوٹ چو آدگہ بلوچ کھولانی وڑ ءَ بے آسر بیتگ۔
آئی ءَ گوشتگ کہ 21 اگست 2013 ءَ چہ کراچی ءِ یک ھالیگیں میتگے ءَ آئی ژانگولیں لاش دزکپتگ کہ آ سکا آزار دیگ بیتگ ءُ آئی ءِ جان ءَ تیرانی نشانگ بیتگ۔ ھاجی رزاک بلوچ ھم ھمےگوستانکی درچ ءِ یک درے کہ آ بلوچستان ءَ زوریں بیگواھی ءُ درکانودی کوشانی یک نہ کٹوکیں کسھے۔
ڈاکٹر نسیم بلوچ ءَ گوشتگ کہ ھاجی رزاک ءِ داتگیں دیمونی مرچی ھم لس بلوچانی دلاں زندگ اَنت۔ آ یک انچیں چیدگے کہ گھگیری ءِ نھاد، آجوئی ءِ لوٹ ءُ یک راجے ءِ سر جھل نہ کنوکیں ارواھے ءِ منانک اِنت۔
