تربت: پاکستانی پوج ءِ جوڑ کرتگیں چیریں ادارھانی کارمنداں ورنایے آوار جنگ ءَ پد آئی لاش چگل داتگ۔
زرمبش جھگیر ءِ رد ءَ کشگ بیتگیں ورنا ءِ نام لیاکت ء سکی داد اِنت کہ شاپکول ءِ جاہ منند اِنت۔ زی بیگاہ ءِ سے ءَ چیریں ادارھانی کارمنداں چہ گیرجے ءَ آوار جتگ ءُ بیگواہ کرتگ مرچی آئی لاش چہ جوسک ءَ دست کپتگ۔
لیاکت ءِ بابت ءَ گوشگ بوگ ءَ اِنت کہ آیاں دیر اِنت چہ کولواہ ءَ لڈینگ بیتگ اَنت۔ لیاکت گاڑی ءِ سر ءَ چہ سمیسر ءَ تیل کشگ ءُ مزدوری کنگ ءَ بیتگ۔
لیاکت چہ ایشی ءَ پیش ھم یکبرے پاکستانی پوج ءَ 2 جنوری 2023 ءَ چہ تُربَت ءِ ھند آپسر کولواھی بازار ءَ آوار جتگ ءُ بیگواہ کرتگ اَت۔ داں لھتیں روچاں چیریں آزار جاھاں آزار ورگ ءَ پد یل کنگ بیتگ اَت۔
