ھزدار: بلوچ آجوئی لوٹوکیں سرمچاراں یازدہ ءِ اگست ءِ بابت ءَ گوں مردماں تران کرتگ۔
زرمبش جھگیر ءِ رد ءَ مرچی سھب ءَ بلوچ سرمچاراں ھزدار ءِ ھند زھری ءَ یازدہ اگست بلوچستان ءِ آجوئی روچ ءِ درگت ءَ گوں مردماں تران کرتگ ءُ مردمان ءَ راجانی ایردستی ءُ آجوئی ءِ ارزیشت ءِ بابت ءَ سرپدی داتگ۔
ھندی بنشون ءِ رد ءَ چہ بلوچ سرمچارانی دیوان ءَ پد پاکستانی پوج ھمے کِر ءُ کشاں لشکرکشی کنگ ءَ اِنت۔
انگت ءَ دگہ آوارجنی ءِ ھال نیست اے بابت ءَ مئے گیشیں جست ءُ پرس برجاہ اِنت۔
