اکوام متھدہ ءِ کارگشاد انتونیو گوتریس ءَ اسرائیل ءِ نیمگ ءَ گزہ شھر ءِ دستیگ کنگ ءِ نوکیں شوربندی ءِ سر ءَ شرگداری کرتگءُ گوشتگ کہ چہ ایشی ءَ جیڑہ ءُ ترس گیشتر بیت۔
آئی ءَ گوشتگ کہ اے پیسلہ جیڑہ ءَ گیش کنت ءُ سکا ترسناک بیت۔ چہ پیسر ءَ پلستینی گوں یک ٹوھیں تباھی یے ءَ دیم پہ دیم اَنت۔ چہ اے وڑیں پیسلہ ءَ آ گیشتر لڈ ءُ بار کن اَنت ءُ کشت ءُ کوش گیشتر بیت۔
چوش کہ اسرائیلی ریاست ءَ آدینگ ءِ روچ ءَ جار جتگ اَت کہ اسرائیل گزہ شھر ءَ دستیگ کنت ءُ آئی پوجی کاروائیانی ھد گیشتر بیت۔
چہ اسرائیل ءِ اے پیسلہ ءَ سرجمیں جھان آئی ءَ شرگداری کنگ ءَ اِنت۔
اے بابت ءَ گزہ ءِ جاندراھی تک ءَ گوشگ اِنت کہ داں انوں اسرائیل ءَ شست ءُ یک ھزار پلستینی کشتگ۔
