شال: لک پاس ءَ چہ پاکستانی پوج ءِ تیرگواری ءَ کشگ بیتگیں ورنا اھسان شاہ ءِ مات مرچی سے روچ اِنت کہ شال پریس کلب ءِ دیم ءَ زھرشانی ءَ نشتگ۔
چہ زھرشانی نندانک ءَ اھسان شاہ ءِ مات ءَ تران کرتگ ءُ گوشتگ کہ من پمشکا زھرشانی ءَ نشتگ آں کہ منی بے میاریں زھگ ایپ سی ءِ کارمنداں تیرگواری کرتگ ءُ شھید کرتگ۔ من وتی زھگ ءِ کشندھانی دزگیرکنگ ءِ لوٹ ءَ کن آں دانکہ منی زھگ ءِ کشندہ دزگیر کنگ نہ بیتگ اَنت منی زھرشانی برجاہ بیت۔
آئی ءَ گوشتگ کہ من گوں درسیں انسانی ھکانی ادارھاں لوٹ کناں کہ بیا اَنت ءُ منی گون ءَ کمک بہ کن اَنت ءُ اے جھد ءَ گومن ھمتوار بہ بنت۔
