کراچی: زاھد الی ءِ زوریں بیگواھی ءِ بگیری ءَ کراچی پریس کلب ءِ دیم ءَ زھرشانی گدان دومی روچ ءَ برجاہ بوتگ۔
آئی کھول ءَ گوشتگ کہ زاھد کراچی ءِ ھند لیاری ءِ جھمنندیں اِنت ءُ آ 17 جولائی 2025 ءَ پاکستانی پوج ءَ آوار جتگ ءُ بیگواہ کرتگ۔ زاھد کراچی زانشجاہ ءَ میان استمانی بھرگ ءِ نودربرے ءُ چہ وانگءَ پد رکشہ چلائینتگ ءُ وتی وانگ ءِ ھرچ ءُ گس والینتگ۔
آئی گوشتگ کہ بیگواھیں زاھد ءِ پت ابدُلھمید ھیپاٹائٹس (گرمیں تَپ) ءِ نادراہ اِنت ءُ وتی زھگ ءِ مزدوری ءِ سر ءَ گزران کرتگ۔ زاھد ءِ بیگواھی ءَ نہ تھنا آئی کھول جنجالانی دیمپان اِنت بلکیں لیاری ءِ نودربراں ترس آماچ کنت۔
چوش کہ مرچی ھیومن رائٹس کمیشن آپ پاکستان (HRCP) ءِ ٹولی یے کازی کزر، ڈاکٹر توسیپ اھمد، سادیہ بلوچ، مھمد ساکب ءُ الی اوست، ڈاکٹر سئید اسمانی ءُ آدگہ مردم گدان ءَ آتکگ ءُ گوں زاھد ءِ کھول ءَ یکجھتی درشان کرتگ۔
ھیومن رائٹس کمیشن ءَ گوں سرکار ءَ زاھد الی ءِ زوتیں آجوئی ءِ لوٹ کرتگ ءُ گوشتگ کہ زوربیگواھیانی درچ دارگ بہ بیت کہ اے انسانی ھکانی لگتمالی اِنت۔
